f. 19 v°

pozic̨íon , l’ Auęrbe , la Cõjoncc̨íon , ę l’ Intęrjęc-
c̨íon . Mę́s auant qe de vuyder rien dę’ huyt par-
ties , nou’ depęc̨herons lęs articles .

Dęs Articles . Chap . VII .

La lange Frãc̨oęze n’ a veritablemęnt
qe deus articles du ſingulier : qi ſont
« le » , pour le maſculin : ę « la » , pour le feme-
nin , qi ont ęn comun « lęs » , pour leur
plurier .

Ao regard de « de » , « du » , « dęs » , ilz ſont plus
veritablemęnt Prepozic̨ions q’ articles , ę qelqe-
foęs « du » , ę « dęs » ſęruet come de Pronoms : come
qant nou’ dizons , « il y a dęs homes la dedans » , ce
« dęs » , ſęrt aotant qe qi diroęt « il y a aocuns homes . »
« Du » , aoſi ſęrt qelqe foęs pour « de » , ę « c̨e » demõſtra-
tif : come « je manje du moton qe nous auons tué » :
c̨’ ęt a dire « de c̨e mouton » . Ę quant a « de » , il ſe treu-
ue ſouuęnt auant lęs artic̨les « le » , ę « la » : ę pourtant
c̨e ſeroęt redoublemẽnt d’ article : come « de l’ ho-
me » , « de la fame » . Nous lę’ lęssons donq pour c̨ęt’
heure juqes ao trętté dę’ Prepozic̨iõs , vuydans
tant ſeulemęnt « le » , « la » , qi ſont lęs vręys articles .

Il
faot donc noter qe « le » , ne « la » , ne ſont jamęs miz
auant lę’ noms propres : come Pięrre , Philippe ,
Iáne , Iaqeline , ny ne dizons « le Pierre » , « la Iáne » . Il
ęt vrey qe qelqe foęs par maniere d’ expreſsíon
plus manifęſt’ ę demonſtratiue , nous vzõs de « le » ,
ę « la » , auant lȩ́’ propres noms : come « j’ ey enuoyé
Pięrr’ a Lión » , « je dy le Pięrre qe vous auez aotre-