f. 20 r°

foęs vu a Paris » : combiẽ qe « c̨e » , y ſeroęt aoſi bon .

Ao demourãt , « le » , ę « la » ſe prepozet bien ao’ noms
comũs , jeneraos , ę ſpecifiqes : come « le cors » , « l’ ho-
me » , « la c̨hieure » , « la c̨haleur » , aoſi font il’ ao’ Pro-
noms poſſeſsifs , « mien » , « tien » , « ſien » , « notre » , « votre » , ę
ao relatif « qel » , ę « qęlle » : come , « leqel » , « laqęlle » , ę a mę́-
me , come « le mę́me » , « la mę́me » .

Ę faot noter qe
c̨es articles ont qelqefoęs qelqe reſtrincc̨ion
approuc̨hant d’ un cęrtein indiuidué : come « j’ ey
vu l’ home qi a couru deus c̨ęn’ pas d’ un’ allenée » ;
« Pierre m’ a fęt vn maouęs tour » , « vou’ conoęſſez
l’ home » : je ne direy pas « vou’ conoęſſez home » : ę
toutefoęs , je direy bien , « vou’ conoęſſez home qi
ęt riche de c̨ęnt mil ecuz » .

Qelqefoęs aoſi apręs
c̨ę’ deus fac̨ons de parler , « y a il » , « ęt il » , « n’ y a il » , « il n’ y
a » , « il n’ ęt » , le nominatif n’ a point d’ article : come ,
« y a il home , ne fame » , « il nęt _ home , ne fame » .

Tou’
noms aoſi gouuęrnez p̰ le Vęrbe ſubſtãtif peu-
uet ętre ſans article : come « je ſuis home , ou fame » ,
« tu ęs , il ę home , ou fame » .

Qelqefoęs aoſi « le » , ę « la »
ſont mis auant lęs ajęctifs : ę lors il vallet aotant
qe « dit » , ou « qi ęt » , ou « eſtimé » : come « Philipe le bęl » ,
« Iane la Rouſſe » : ę mę́memęnt lors q’ ilz ſont con-
joinz ao’ noms propres : car qant ao’ comuns , je
croę , q’ il ne ſ’ ęn treuue gieres , ou plutót poĩt : par
c̨e qe c̨e ſeroet repetic̨íõ d’ articles . De vrey nou’
ne diron’ pas , « l’ home le courajeus » : ſi c̨e n’ ęt auęq
le comparatif « plus » : come « c̨’ ęt biẽ la fame la plus
grac̨ieuze qe vous ayez jamęs vu » : c̨ete fac̨on de