f. 6 r°

DE L’ ABONDAN-
C̨’ ĘN VOĘS DE LA LAN-
ge Françoȩze C̨hap . I .

Com’ il ſoęt c̨ęrtein qe pour la
comune nec̨eſsité de la ví’ ę cõ-
ſeruac̨íon dęs homes ęn vne
pę́s , vníon , ę accor’ pęrdura-
bles , la conoęſſanc̨e de rę́zon , ę
d’ un deuoęr ęn l’ obſęruanc̨e
d’ une juſtic̨e , ę egaleté mutuęlle ſoęt princ̨ipal-
emęnt nec̨eſſę́r’ ę comode , nature ne nous a
point auantajé d’ un moyen plus ęzé qe de la pa-
rolle , pour par vne plus fac̨ile doctrin’ y pęrue-
nir .

Ę combien qe pour la diuerſité dę’ rejions ę
diuęrſe fantazíe dę’ nac̨íons lę’ parolles , ę langa-
jes ſoę́t diuęrs , ſi ęt il toutefoęs c̨ęrtein qe tous
ſont forjés d’ un męme marrein¹ de ſimples voęs ,
qe nous appellons voyęlles , ę conſonantes . Il ęt
vrey q’ aocuns peuples ne lęs ont pas vzurpé tou-
tes , qi toutefoęs ne ſont pas moins abondans ęn
propres tęrmes , ę fac̨õs de parler . Lę’ langes La-
tin’ ę Gręcqe de vrey ſont plus ric̨hes de voca-
bles , ę propres fac̨ons de parler , qe n’ ęt la Fran-
c̨oęze : come qi ont eté plus grans rec̨herc̨heurs
qe nous , de la ſapięnc̨e tant humaine qe diuine :
le Franc̨oęs toutefoęs ſ’ ęt vzurpé plus grande
variété de voyęlles , ę conſonantes , tęllemęnt qe

---

¹merrain, par extention, substance, nature, espèce (DMF)